நிசப்த ஓலமிடும் வெண்தாள்கள்
செவிகளில் பறையறைந்து
நெற்றியை விழிக்கச் செய்கின்றன
வெண்தாள்களின் நாவுகளைச்
சுட்டுக் கருக்க
விரல்களுக்கிடையே
நெற்றிப் பார்வை
தீப்பிழம்பாய் நீளும்
அந்நாவுகள் கருகும் நெடி
உறைந்த புலன்களை உருக்கிக்
கவிதையில் வார்க்கும்
உறைந்த ஐந்து
உருகிப் பாய்ந்த பின்
ஆறாகும்
புதிய வார்ப்பு
பரிணாமப் பாய்ச்சல்
அரிது அரிது
No comments:
Post a Comment