புரிந்துகொள்ளவில்லை

என்னை யாரும்
புரிந்துகொள்ளவில்லை
எல்லோரின் உள்ளுள்ளும்
எப்போதும் நானிருந்தும்

என் பாசமும் நேசமும்
உறுதியாய் உன் உள்ளே இருந்தாலும்
பொய் உறவுகளைத் தேடி வட்டமிடும்
எல்லோரும் போல்
நீயுமா

மௌனமாய் உள்ளிருந்து
உனக்குள் நான் இருப்பதை
நீ உணரும் வரைக்கும்
வீணே உன் பேச்சுக்கள்

கனவிலும் கற்பனையிலும்
நீ தொலைந்து போக
நிஜமான நான்
இன்னும் இருக்கிறேன்
உன்னை மீட்குந் தருணம்
எதிர்நோக்கிப் பொறுமையுடன்

எல்லோரின் உள்ளுள்ளும்
எப்போதும் நானிருந்தும்
யாருமே புரிந்துகொள்ளவில்லை
என்றால்-இப்போது நீயும்
அப்படித்தான் செய்கின்றாய்

யாரையும் நோகாமல்
ஒவ்வொருவரையும் மீட்குந் தருணம்
எதிர்நோக்கிப் பொறுமையுடன்
ஒவ்வொருவரின் உள்ளுள்ளும்
காத்திருக்கிறேன் நான்

முத்தமிழ் மன்றத்தில் இலங்கை பெண் அவர்களின் "புரிந்துகொள்ளவில்லை..." கவிதைக்குப் பின்னூட்டமாக இடப்பட்ட என் கவிதை